Позитивті көзқарас маңызды: Ғалымдар құштарлық, табандылық және өзіне сену шын мәнінде табыстың кепілі екенін дәлелдеді.

Өмірде және кәсібінде табысқа жету позитивті көзқарасқа ие және болашаққа оптимистікпен қарайтын адамдарға тән екендігін Норвегия мен Исландия ғалымдарының жаңа зерттеуі көрсетті. 13-тен 77 жасқа дейінгі 1548 қатысушының мысалында ғалымдар жеке қасиеттердің жұмыс пен жеке өмірде табысқа жетуге қалай көмектесетінін қарастырды. Мұнда басты рөлді үш қасиет атқарады: құштарлық (қызығушылық, берілгендік), шешімділік, және адамдардың өз мақсаттарына жететініне деген сенімі.

Хермундура Сигмундссонаның айтуынша, Норвегия ғылым және технологиялар университетінің психология кафедрасының профессоры, позитивті көзқарас – табыстың кепілі. Өз табыстарына сенетін адамдар, өзіне сенбейтіндерге қарағанда, әлдеқайда құштар (қызығушылығы жоғары, бір нәрсеге берілген) және күшті ерік-жігерге ие. Бұл зерттеуде құштарлық істі қызығушылықпен атқару, айналысып жүрген ісіне деген қызығушылық ретінде түсініледі. Ал ерік-жігер мен табандылық барлық кезеңдерде, мақсатқа жету жолындағы көтерілулер мен құлдырауларда шешімділікті арттырады. Сонымен қатар, олар алғашқы қиындықтар туындаған кезде жолдан таймауға көмектеседі.

- Біздің зерттеуіміз өз дамуымызға деген сенімнің өмірдің көптеген салаларында: оқу, спорт, жұмыс, отбасылық өмірде маңызды екенін растайды, - дейді профессор. – Бұл «Мен мұны істей аламын!» деген сезім.

ӨЗІНЕ СЕНУДІҢ ҮШ ТІРЕГІ

1. Менің интеллектуалдық қабілеттерімнің өз күшім мен оқыту арқылы жақсара алатынына сену.

2. Өз білім саласына немесе кәсібіне деген құштарлық. Авторлардың ғылыми мақаласында құштарлықтың жоғары нәтижелерге қол жеткізуде, әсіресе спортта, маңызды рөл атқаратыны атап өтілген.

3. Табандылық – сәтсіздіктерге қарамастан, табандылықты сақтай білу және күш-жігерді жалғастыру қабілеті. Табандылық пен ерік-жігер адалдық пен өз-өзіне бақылаумен тығыз байланысты.