Футболдағы реформа жалғасуда: Қазақстан чемпионаттары жаңа форматта өтеді.

Қазақстанда футбол чемпионатын ұйымдастыру жүйесін реформалау жүріп жатыр, деп хабарлайды Caravan.kz.

Негізгі жаңалық — биылғы маусымда жарысты ПФЛК — QFL емес, тікелей КФФ өткізетін болады.

Федерация бұл шешімнің басты мақсаты — Федерация, жетекші клубтар және футбол қауымдастығы арасында тәртіп орнату мен тиімді өзара әрекеттестікті қалыптастыру, сондай-ақ бүкіл жүйенің жұмысын ашық ету екенін мәлімдеді.

«КФФ мен клубтардың спорттық менеджерлері арасындағы келіспеушіліктер жиі ұзақ дауларға немесе тіпті жанжалдарға айналады. Федерацияның легионерлерге қойылған шектеуді алып тастау, күмәнді репутациясы бар шетелдік мамандарды шақыру, төрешілік саласындағы коррупция және ашықтықтың жетіспеушілігі секілді шешімдері қоғам тарапынан жиі сынға алынады. Бұл стратегиялық қадам бар келіспеушіліктерді жоюға, спортқа деген сенімді қалпына келтіруге, өңірлік клубтардың дамуына, төрешіліктің сапасын арттыруға және барлық қатысушылар үшін тең жағдайларды қамтамасыз етуге мүмкіндік береді», — делінген хабарламада.

Бұған дейін біз КФФ-ның тағы бір маңызды жаңалығы — ресейлік маман Станислав Черчесовпен келісімді бұзу туралы айтқан болатынбыз.