Дмитрий Бивол Артур Бетербиевтің деңгейін адал бағалады.

Экс-дүниежүзілік чемпион Дмитрий Бивол DAZN үшін өткізілген блиц-интервьюда реваншының қарсыласы — абсолютті әлем чемпионы Артур Бетербиев туралы сұрақтарға жауап берді, деп хабарлайды Caravan.kz.

Жүргізуші Биволдан тек «Иә» немесе «Жоқ» деп жауап беруге болатын сұрақтар қойды. Бетербиевпен алғашқы жекпе-жегіндегі судьялардың шешімі дұрыс болды ма деген сұраққа Бивол «Иә» деп жауап берді. Ал Бетербиев Бивол үшін рингте кездескен ең мықты қарсылас па деген сұраққа Дмитрий күмәнданғанымен, ақырында «Иә» деп жауап берді.

Бивол Бетербиевті жеңу үшін оны нокаутқа түсірудің қажеті жоқ екеніне сенімді екенін білдірді. Сонымен қатар, Бивол өзін «бокс әлемінің бет-бейнесі» деп санамайтынын және жартылай ауыр салмақтың бокс әлеміндегі ең үздік санат емес екенін айтты.

Бұған дейін Бетербиев-Бивол реваншының мүмкіндігіне қатысты қауесеттер тараған болатын, бірақ олар расталмады.