Түркі әлемінің рухани астанасы – Түркістанның тарихымен танысу үшін қалаға Азия-Тынық мұхиты аймағындағы Дүниежүзілік қолөнер кеңесінің вице-президенті Айдархан Қалиев, сондай-ақ Сохан Кумар Джа (Үндістан), Махоотчиан Ялда (Түркия) және Оңтүстік-Шығыс Азия бойынша вице-президент және сарапшы Ле Ба Нгок келді.
Кездесу барысында қонақтар аймақтағы қолөнердің дамуымен танысып, өз тәжірибелерімен бөлісті, сондай-ақ Түркістанға "Қолөнершілер қаласы" мәртебесін беру бойынша ынтымақтастық пен дайындық мәселелерін талқылады.
0Азимбек Пазылбекұлы қала тарихы мен мәдениетінің байлығын айтып, халықаралық қолөнершілер қаласы мәртебесін алудың маңыздылығын атап өтті.
"Түркістан, Ұлы Жібек жолының негізгі орталықтарының бірі ретінде, ежелден қолөнер өнерінің дамуына елеулі үлес қосты. Бүгінде біздің қала халықаралық қолөнершілер қаласы мәртебесін алуға ұмтылуда. Терең дәстүрлер мен ұлттық ерекшеліктерді сақтай отырып, Түркістандағы қолөнер заманауи тенденциялармен үйлесімді дамып келеді. Жергілікті шеберлердің керамикалық өнімдері нәзіктігі, ерекше өрнектері мен жоғары сапасымен танымал. Алдағы уақытта біз қолөнершілерді қолдауға арналған ірі жобаларды жүзеге асырмақпыз", – деп атап өтті қала әкімі.
1Өткен жылы Дүниежүзілік қолөнер кеңесінің 31 өкілі Түркістанға келіп, жергілікті шеберлердің жұмыстарын жоғары бағалады. Осыған байланысты қала ұйымға мүшелікке өтініш берді. Бүгінде әкімдік қолөнершілерді белсенді түрде қолдап, олардың өнерін халықаралық аренада насихаттауда.
Дүниежүзілік қолөнер кеңесінің Азия-Тынық мұхиты аймағындағы вице-президенті Айдархан Қалиев қала әкіміне алғыс айтып, ынтымақтастықты дамытуға дайын екенін мәлімдеді. Ол Түркістанның "Қолөнершілер қаласы" мәртебесін алу жалпы мақсат екенін атап өтіп, оны жүзеге асыру үшін бірлесіп жұмыс істеуге ниет білдірді.
Бұл кездесу Түркістанның мәдениеті мен қолөнер өнерін дамытуда маңызды қадам болып, аймақ шеберлері үшін жаңа мүмкіндіктер ашады.
2