Құжатты Ақорда баспасөз қызметі жариялады.
“Мемлекет басшысы жарлығымен Шарлапаев Канат Бисимбаевич Қазақстан Республикасы президентінің экономикалық мәселелер жөніндегі көмекшісі болып тағайындалды, ол бұрын атқарған лауазымынан босатылды”, – деп хабарлады ресми ақпаратта.
Канат Шарлапаев 1981 жылдың 9 шілдесінде Ресейдің Саратов облысында дүниеге келген. Саратов әлеуметтік-экономикалық университетін “Бухгалтерлік есеп және аудит” мамандығы бойынша тәмамдаған, сондай-ақ Ұлыбританиядағы Cranfield басқару мектебін (магистр, “Қаржы және басқару” мамандығы) бітірген.
Еңбек жолын 2006 жылы “Сити” инвестициялық банкіне (Ұлыбритания, Чехия) жұмысқа кірісіп, 2015 жылға дейін сол жерде қызмет атқарды.
2015 жылдан 2020 жылға дейін “Ситибанк Қазақстан” және “Ситибанк Ресей” ұйымдарында түрлі лауазымдарды иеленді. 2020-2022 жылдары “Сити” инвестициялық банкіне (БАӘ) Африка, Таяу Шығыс және Шығыс Еуропа дамушы нарықтарындағы стратегия, жоспарлау және талдау бойынша өңірлік директор болып жұмыс істеді.
2022 жылдың ақпанынан бастап “Байтерек” ұлттық басқарушы холдингі” АҚ басқарма төрағасы, директорлар кеңесінің мүшесі лауазымын атқарды.
2023 жылдың 4 қыркүйегінен бастап өнеркәсіп және құрылыс министрлігін басқарды.
2025 жылдың 25 қаңтарында ол жаңа лауазымға тағайындалып, регби федерациясын басқарды.
Бүгін Токаев басқа да тағайындаулар жүргізді. Жандос Шаймарданов стратегиялық жоспарлау және реформалар агенттігінің төрағасы лауазымынан босатылды. Енді ведомствоны Асет Ирғалиев басқарады.
Сонымен қатар, Абай Қайырбеков ішкі істер министрінің орынбасары – ҚҰИС басшысы болып тағайындалды. Бұл туралы толығырақ сілтеме бойынша оқуға болады.