Саткалиев 2025 жылдың 8 қаңтарында өткен үкімет отырысында атом электр станциясын салу жобасы бойынша 2030 жылға қарай шамамен 5 мың жұмыс орны қамтамасыз етілетінін, ал 2032 жылы құрылыс шыңына жеткенде – шамамен 10 мың жұмыс орны болатынын атап өтті.
"Эксплуатация кезеңінде жоба кемінде 2000 жұмыс орнын қамтамасыз етеді", – деді Алмасадам Саткалиев.
Ол атап өткендей, АЭС құрылысын қолдау мақсатында отандық колледждерде мамандарды даярлау үшін арнайы мамандықтар ашылады. Бұл – дозиметрист, паротурбиналық жабдықтарды жөндеу слесары, атом электр станцияларының механикалық жабдықтарын қызмет көрсету және жөндеу маманы, атом электр станцияларындағы ақпараттық технологиялар саласындағы маман және басқа да кәсіптер.
"Электротехникалық колледждермен тығыз ынтымақтастықты ведомстволық ұйымдар – Ұлттық ядролық орталық және Ядролық физика институты жүзеге асыруда, олар колледж студенттерінің ядролық мамандықтар бойынша өндірістік тәжірибелері үшін база болып табылады", – деп хабарлады энергетика министрі.
Бұған дейін Энергетика министрі АЭС құрылысы орташа алғанда 10 жылды алатынын айтқан болатын. Осы уақыт ішінде кадрларды даярлау бойынша арнайы бағдарлама әзірленеді.
АЭС құрылысындағы кезеңдер туралы барлық мәліметтерді осы жерде білуге болады.