«ҚазАвтоЖол» мәліметтері бойынша, Жамбыл облысында көлік қозғалысына шектеулер 2025 жылдың 9 қаңтарында 18:30-дан бастап енгізілді.
«Алматы – Ташкент – Термез республикалық маңызы бар автожолының (Жаңа Кордай асуы) 159-238 км аралығында, Отар ауылынан Кайнар ауылына дейінгі жол учаскесінде барлық түрдегі автокөліктер үшін қозғалыс шектелген. Ашылу уақыты – 2025 жылдың 10 қаңтарында 09:00», – деп нақтылады ұлттық компания.
Көліктің альтернативті бағыты бойынша ескі Кордай асуы арқылы қозғалыс жүзеге асырылатындығы атап өтілді.
Автокөлік жүргізушілері қосымша ақпаратты тәулік бойы 1403 нөмірі бойынша call-орталыққа хабарласып ала алады.
2025 жылдың 7 қаңтарында Жамбыл облысының трассаларында мыңнан астам автокөлік тұрып қалған. Қардың көп түсуі, боран, көрінудің шектелуі және 20 м/с-қа дейінгі желдің қатты соғуына байланысты Алматы – Ташкент – Термез автожолының 238-159 км аралығында, Кайнар ауылынан Отар елді мекеніне дейін барлық көлік түрлеріне қозғалыс шектелді.