Алматы облысының ТЖД баспасөз қызметінің хабарлауынша, 2025 жылдың 14 қаңтарында 15:44-те құрылыс материалдарын сақтау қоймасында өрт шыққаны туралы хабарлама түскен.
"Шақыру орнына 15:49-да жеткен кезде, құрылыс материалдары қоймасының ішіндегі өртену болып жатқандығы анықталды. Өрттің аумағы анықталуда. Қойма ғимаратының мөлшері 22х38 метр, алдын ала 836 шаршы метр", – делінген хабарламада.
Өрт сөндіруге 48 қызметкер мен ТЖД-ның 18 техникасы, Алматы ТЖД-ның сегіз қызметкері мен екі техникасы, жергілікті атқарушы органдардың екі техникасы жұмылдырылғаны атап өтілді.
"Өрттің себебін анықтау үшін оқиға орнында Алматы облысының ТЖД зерттеу сынақ өрт зертханасы мен тергеу бөлімі жұмыс істеп жатыр. 18:23-те 500 шаршы метр аумақта өрт сөндірілді", – деп қорытындылады ТЖД.
Бұған дейін қойманың "Жер Ана" базарында орналасқаны хабарланған. Оқиға орнында өрт сөндірудің жедел штабы құрылды.