Оқиға Рудный-Качар-Федоровка жолында орын алды, мұнда екі автокөлік – Hyundai және минивэн – кюветке түсіп кетті.
"Автокөліктерде 11 шетелдік азамат болды, оның ішінде бір бала бар. Бақытымызға орай, оқиға нәтижесінде ешкім зардап шеккен жоқ. Оқиға туралы ақпарат алынғаннан кейін, полиция қызметкерлері мен құтқарушылар жедел түрде оқиға орнына келді", – деп хабарлады Қостанай облысы Полиция департаментінің баспасөз қызметі.
Автокөліктер кюветтен тез арада шығарылып, жолаушыларға қажетті көмек көрсетілді. Барлық ЖКО қатысушылары полиция мен құтқарушыларға алғыстарын білдіріп, содан кейін өз жолдарын жалғастырды.
Бұған дейін жолаушылар автобусы мен жүк көлігі арасында Ақтөбе облысында жабық жолдардың бірінде ЖКО орын алды. ТЖК қызметкерлері оқиға орнынан Уфадан Самарқанға бара жатқан 33 шетелдікті эвакуациялады.