Құқық қорғау органдарының мәліметтері бойынша, 2024 жылы 2,5 мыңнан астам адам алаяқтарға сеніп, бар-жоғы жоқ қорларға ақша салған. Адамдар көбінесе, алаяқтардан алған қаражаттарын қайтару үшін, солардың "әріптестеріне" жүгініп, одан да үлкен сомаларды жоғалтады.
"Мысалы, Қарағанды облысының тұрғыны интернеттен тауар сатып алу үшін жұмсаған 40 мың теңгесін қайтаруға тырысып, 11 миллион теңгеден астам ақша жоғалтты", – деп хабарлады Ішкі істер министрлігі.
Ведомствода хабарланғандай, мақсатты жарнама – ақпаратты жылжыту үшін қолданылатын құрал, ол әлеуметтік желілер мен онлайн платформаларда белсенді түрде пайдаланылады және интернет-алаяқтар тарапынан да ұзақ уақыт бойы қолданылып келеді.
"Бұл жалған инвестициялық қорлар, алаяқтардан ұрланған қаражатты қайтару бойынша заңды қызметтер болуы мүмкін. Жарнама жасау кезінде қаскөйлер танымал тұлғалардың, заңды кеңселер мен адвокаттардың оригинал видеоларын негізге алып, оны жасанды интеллект арқылы бұрмалап, қазақстандықтарды алдауға тырысады", – деп түсіндірді Ішкі істер министрлігінің баспасөз қызметі.
Министрлікте жарнамадағы алаяқтарды қалай тануға болатыны туралы айтты:
- тым тартымды ұсыныстар – жарнама оңай ақша және қауіпсіз байыту үшін фантастикалық шарттар ұсынады;
- сілтемелер байланыс немесе лицензиясы жоқ күмәнді сайттарға апарады;
- жеке деректерді сұрау, анкета мәліметтерін, карта нөмірін, паспорт немесе басқа жеке мәліметтерді енгізуді талап етеді;
- агрессивті маркетинг және "мүмкіндікті жіберіп алмау" туралы қысым;
- "инвестициялық" қорлардың менеджерлерінен настойчивы қоңыраулар;
- жарнамада қатысатын танымал тұлғалардың бет әлпетіне назар аударыңыз, ерін мен дыбыс синхронизациясының дұрыс еместігі.
Бұған дейін Ақмола облысының тұрғыны жалған инвестициялық платформаға байланысты алаяқтық схеманың құрбаны болып, 11 миллион теңгеден астам ақша жоғалтқаны туралы хабарланған болатын.