Топырақ дүмпулерін Павлодар облысындағы Майкаин шахтерлер поселкесінің тұрғындары сезінді, мұнда өткен жылдың қаңтарында ескі шахтаның құлауы салдарынан төрт құтқарушысы бар автобус жер астына кетті, деп хабарлайды Tengrinews.kz тілшісі.
Облыстың ТЖД баспасөз қызметінің мәліметінше, құтқарушыларға хабарлама 9 қаңтар күні 09:55-те түскен.
"Тұрғындар жердің дірілін сезінгендерін айтты. Оқиғаның мән-жайын анықтау барысында координаттар тексерілді, Қазақстан ұлттық сейсмология орталығының мәліметтері алынды. Аталған геолокацияның Майкаин поселкесінен 15 шақырым жерде, дала аймағында орналасқаны анықталды. Тексеру барысында ешқандай зақымдану мен салдардың болмағаны расталды. Сонымен қатар, "Майкаинзолото" ЖШС-нің жарылыс жұмыстарын 8 қаңтарда жүргізгені анықталды, қауіпті аймақтың радиусы мұндай салдарға әкелмейді", – деді ведомствоның баспасөз қызметі.
Баянауыл ауданындағы әкімдік ешқандай зақымданулардың анықталмағанын растады. Дірілдерді сезген сейсмологтар жер сілкінісінің магнитудасы 1 балл екенін хабарлады. Діріл 06:44-те тіркелді.
Осы уақытта поселок тұрғындары жер асты дүмпулері жеткілікті күшті болғанын айтуда.
"Грохот был такой же, как и в прошлом году при обвале старой шахты, куда в воронку провалился автобус с нашими горноспасателями. Это было в 06:46, трясло сильно, мы думали, на шахте что-то взорвалось. В соседнем селе Ушкулын тоже люди слышали. Но сильно тряхнуло у нас. Утром уже узнали, что землетрясение было", – рассказали они.
Ең қатты дүмпулерді ескі Шанхай микрорайонының тұрғындары сезінді, бұл аудан алтын өндіретін шахтаға ең жақын орналасқан.
Еске сала кетейік, Павлодар облысында соңғы жер сілкінісі өткен жылдың қыркүйек айында тіркелген. Сейсмологтар оның магнитудасы 3,4 жеткенін нақтылады. Жер асты дүмпулерінің эпицентрі Павлодардан 167 шақырым солтүстік-батысқа және Иртышск ауылынан 39 шақырым солтүстік-шығысқа орналасқан. Алайда, Павлодар облысының ТЖД баспасөз қызметі сол кезде оларға жер сілкінісі туралы ақпарат түспегенін хабарлады.
Ашық дереккөздерге сәйкес, Павлодар облысындағы соңғы 100 жылдағы ең күшті жер сілкінісі 2022 жылдың қазанында тіркелген. Оның магнитудасы 4,8 болды. Ол Павлодардан 95 шақырым оңтүстікке орын алды.
Нажмите сюда, чтобы получать самые важные новости в вашем WhatsApp