Ер адам Павлодар облысындағы Ресеймен шекарада орналасқан "Амангельды" өткізу пункті арқылы жүк көлігінің кузовында АН-2Т ұшағын өткізбек болды. Оның бұл әрекетіне қажетті құжаттардың болмауы анықталды, деп хабарлайды Tengrinews.kz Павлодар облысының мемлекеттік кірістер департаментіне сілтеме жасап.
Экспорттық бақылау департаментінің басшысы Максұт Кантарбаевтың ақпаратына сәйкес, МАЗ-54323 жүк көлігін тексеру барысында 3,6 тонна салмақты АН-2Т ұшағы табылды, оның бағалау құны 9,1 миллион теңге.
"Ұшақ азаматпен жеке мақсаттар үшін аукционнан сатып алынған. Шекарадан өткен кезде оған азаматтық және әскери мақсаттарға қолдануға болатын арнайы тауарларды сәйкестендіру туралы қорытынды болмаған", – деп айтты Кантарбаев.
Ер адамға қатысты әкімшілік іс қозғалды.
"Павлодар облысының Иртыш аудандық сотының шешімімен азамат кінәлі деп танылды. Оған 55 мың теңгеден астам әкімшілік айыппұл салынды", - деп қосты департаментте.
Бұған дейін біз қазақстандықтың ерекше жолаушыны тасымалдағаны үшін айыппұл алғаны туралы жазған едік.
Ең маңызды жаңалықтарды WhatsApp арқылы алу үшін мұнда басыңыз