Германияның президенті Франк-Вальтер Штайнмайер АҚШ президенті Дональд Трамптың әкімшілігін ережелерді бұзғаны, серіктестік қатынастар мен сенімділікке нұқсан келтіргені үшін айыптады, деп хабарлайды Tengrinews.kz Deutsche Welle-ге сілтеме жасай отырып.
Жұма күні ол Мюнхен қауіпсіздік конференциясында (MSC) сөз сөйледі.
"Жаңа американдық әкімшілік біздің дүниетанымымыздан өзгеше", - деді Штайнмайер.
Президенттің айтуынша, "біз мұны өзгерте алмаймыз", бірақ "біз қабылдауымыз керек және онымен күресуге қабілеттіміз".
Оның сөзінше, Трамп "қалыптасқан ережелерге, серіктестік қатынастар мен сенімге назар аудармайды". Сондықтан жақын жылдардағы басты міндет - халықаралық қоғам идеясын сақтау, деп атап өтті ол.
Штайнмайер халықаралық қоғамның мүддесінде Трамп әкімшілігінің дүниетанымы "жалғыз үстем парадигмаға" айналмауын қамтамасыз ету қажет деп есептейді.
"Ережелердің жоқтығы әлемді қайта құру принципіне айналмауы тиіс", - деп мәлімдеді ол.
Сонымен қатар, президент демократияның "бизнес-модель" емес екенін және "жою үшін ойын алаңы" емес екенін атап өтті.
Оның пікірінше, қазіргі уақытта АҚШ-та "технологиялық, қаржылық және саяси биліктің тарихи түрде теңдесі жоқ концентрациясы" қалыптасып жатыр.
"Демократ ретінде мен шағын кәсіпкерлік элитаның либералды демократияның ережелерінің елеулі бөлігін қайта қарауға құқығы, ресурстары мен ниеті бар екеніне алаңдаймын. Ал егер осы элитаның кейбір мүшелері біздің демократиямыздың институттары мен нормаларына деген менсінбеушілігін жасырып қалмаса, мен тіпті одан да алаңдаймын," - деді Штайнмайер.
Ол бүгінгі таңда "біздің демократиямыздың өзін-өзі дәлелдеуіне" қауіп төніп тұрғанын қосып айтты.
DW хабарлауынша, Мюнхен қауіпсіздік конференциясында АҚШ вице-президенті Джеймс Дэвид Вэнс және Дональд Трамп әкімшілігінің Ресей мен Украина мәселелері бойынша арнайы өкілі Кит Келлог бар.
Естеріңізге сала кетейік, бұған дейін Германия Трамптың Ресей президенті Владимир Путинмен сөйлесуін "Еуропаны қорлау" деп атаған болатын.
