2024 жылдың қорытындысы бойынша Қазақстан Республикасындағы бөлшек сауда көлемі 22,4 трлн теңгені құрады — бұл 2023 жылдың қаңтар–желтоқсанымен салыстырғанда 16,7%-ға көп (ИФО — 109,8%). Бір жыл бұрын 22%-дық өсім тіркелген (ИФО — 107,7%). Өткен жылдың қаңтар–желтоқсанында бөлшек сауданың жалпы ішкі саудадағы үлесі 32,2%-ға жетіп, 2020 жылдан кейінгі ең жоғары көрсеткіш болды. Бір жыл бұрын бөлшек сауда үлесі 31,5%-ды құраған, деп жазады ranking.kz.
Аймақтық бөліністе ресми чектер бойынша бөлшек сауданың үштен бірі Алматыға тиесілі. Одан кейінгі орында 13,2% үлеспен Астана келеді. Қазақстанның үшінші мегаполисі Шымкент 4,7% үлеспен Қарағанды (7,5%) және Шығыс Қазақстан (5,7%) облыстарына жол берді.
0 Ретейл құрылымында дәстүрлі түрде екі үштен бірі азық-түлікке жатпайтын тауарларға тиесілі. 2024 жылдың қаңтар–желтоқсан айларында азық-түлікке жатпайтын тауарлар бойынша бөлшек сауда көлемі 15,1 трлн теңгеге жетіп, 2023 жылдың сәйкес кезеңімен салыстырғанда 16,9%-ға артты (ИФО — 110,2%).
Азық-түлік тауарларының бөлшек сатылымы 7,3 трлн теңге болды — бұл бір жыл бұрынғыдан 16,2%-ға көп (ИФО — 109,1%).
1 Электрондық коммерцияны атап өткен жөн, ол маркетплейстердің арқасында ретейл құрылымында тез қарқынмен өз орнын иемденуде. Қазақстан Республикасының Сауда және интеграция министрлігінің мәліметі бойынша, 2024 жылдың қаңтар–қараша айларында электрондық бөлшек сауда көлемі 3,2 трлн теңгеге жетті. 2024 жылдың қорытындысы бойынша онлайн-сатылымдардың бөлшек саудадағы үлесі 15%-ды (жоспар 14,5%) құрауы күтілуде, ал 2029 жылға қарай бұл үлесті 18,5%-ға, ал көлемді 9,3 трлн теңгеге дейін ұлғайту жоспарлануда. Ақпарат ретінде: 2023 жылдың қаңтар–желтоқсан айларында онлайн бөлшек сауда 2,4 трлн теңгені немесе бөлшек сауданың жалпы көлемінің 12,7%-ын құраған.
2