Алматыдан биылғы көктемде жаңа тікелей рейс ашылады, деп хабарлайды Tengri Travel.
"Енді біздің жолаушылар Алматыға – Қазақстан мәдениетінің және табиғи сұлулығының орталығына оңай жетеді. Сәуірден бастап сіздерге осы таңғажайып қаланың көркем пейзаждары мен тарихи ескерткіштерін жеке көру мүмкіндігін ұсынамыз", – делінген компания хабарламасында.
Businesskorea-ның хабарлауынша, авиарейстер аптасына екі рет: дүйсенбі және жұма күндері орындалады. Ұшақ Инчхон әуежайынан 19:30-да ұшып, Алматыға жергілікті уақытпен 22:45-те жетеді. Қайтар рейс Алматыдан 23:45-те ұшып, келесі күні таңертең 9:50-де Инчхонға жетеді. Бұл маршрут авиакомпанияның ең ұзын бағыты болып, бір жаққа шамамен алты сағатты алады. Рейстер B737-8 ұшағында орындалады.
Авиакомпания халықаралық рейстер бойынша брондауды өзгерту үшін ақы алмайтынын атап өтті.
Айта кетейік, Қазақстан азаматтарына Оңтүстік Кореяға кіру үшін виза рәсімдеудің қажеті жоқ. Екі ел арасында визалық талаптарды өзара жою туралы келісім бар. Дегенмен, Кореяда шетелдік азаматтардың кіруін электронды авторизациялау жүйесі К-ЕТА бар, оған сәйкес визасыз режиммен келген шетелдіктер 24 сағаттан кем емес мерзімде www.k-eta.go.kr сайтында жоспарланған сапар туралы электронды хабарламаны жіберуі керек, Оңтүстік Кореяның билігінен кіруге рұқсат алу үшін. Заявка қарау уақыты 72 сағаттан асуы мүмкін екенін атап өткен жөн.
Қазақстандықтарға Оңтүстік Кореяға сапар туралы қажетті барлық ақпаратты біз жинадық.
