Қазақстанда жаңа ипотекалық бағдарламалар пайда болады. Бұл туралы үкіметтің отырысында премьер-министр Олжас Бектенов Tengrinews.kz тілшісіне хабарлады.
"Өнеркәсіп, энергетика, транспорт, ауыл шаруашылығы, су ресурстары министрліктеріне, кәсіпорындарға, әкімдіктер мен Отбасы банкімен бірлесіп, жұмысшы кадрлар үшін жеңілдетілген ипотекалық және жалға беру бағдарламаларын іске қосу мәселелерін пысықтауды тапсырдым", – деді премьер.
Бектенов Қазақстанға мыңдаған білікті жұмысшылар қажет екенін айтты.
"Әр жыл сайын жаңа мамандықтар пайда болады. Сондықтан болашақ дағдылар мен құзыреттерді болжау үшін барлық әкімдіктерге өңірлік мамандық атластарын қалыптастыру қажет. Қазіргі уақытта тек 9 өңірде мұндай құжаттар бар. Жастардың жұмысшы мамандықтарын саналы түрде таңдауы үшін кәсіби бағдар беру жұмысына жаңа тәсілдерді енгізу қажет", – деп атап өтті премьер.
Бұрын біз “7-20-25“ бағдарламасына өзгерістер енгізілгені туралы жазған болатынбыз.
Ең маңызды жаңалықтарды WhatsApp-ыңызға алу үшін мұнда басыңыз