Генеральдық прокуратура 2024 жылдың қорытындысы бойынша Қазақстанның қылмыс деңгейі артып жатқан өңірлерін атады, деп хабарлайды Tengrinews.kz тілшісі.
Генпрокуратураның Құқықтық статистика және арнайы есептер комитетінің мәліметтеріне сәйкес, жалпы қылмыстың 5,3 пайызға (140 272-ден 132 778-ге) азаюы байқалады.
Маңғыстау облысында – 12,2 пайызға (3097-ден 3474-ке), Атырау облысында – 8,5 пайызға (4283-ден 4647-ге), Павлодар облысында – 5,6 пайызға (5039-дан 5322-ге), Қызылорда облысында – 4,6 пайызға (2871-ден 3003-ке), Ұлытау облысында – 2,8 пайызға (1278-ден 1314-ке), Алматы облысында – 1,6 пайызға (10 223-тен 10 385-ке) және Ақмола облысында – 0,7 пайызға (5084-тен 5120-ға) өсім байқалады.
"Ең көп қылмыс Алматы қаласында – 24 965 (18,8 пайыз) және Астанада – 17 339 (13,1 пайыз), Алматы облысында – 10 385 (7,8 пайыз) және Қарағанды облысында – 7562 (5,7 пайыз) орын алған", – делінген хабарламада.
Барлық қылмыстық құқық бұзушылықтардың 34 пайызы алаяқтықтар (45 156), 23 пайызы – ұрлықтар (30 593), 6,3 пайызы – есірткі қылмыстары (8363), 1,2 пайызы – қарақшылық (1551), 1,2 пайызы – бұзақылық (1615), 0,8 пайызы – мал ұрлығы (1051), 0,4 пайызы – адам өлтіру (566), 0,3 пайызы – зорлық (421), басқа құқық бұзушылықтар – 32,7 пайыз (43 462).
Жеңіл қылмыстар бойынша -7,6 пайызға (21 826-дан 20 178-ге), орташа ауырлықтағы қылмыстар бойынша -16,8 пайызға (58 874-тен 48 992-ге) және ауыр қылмыстар бойынша -2,2 пайызға (37 548-ден 36 736-ға) төмендеу байқалады.
Сонымен қатар, ұрлықтардың айтарлықтай төмендеуі -28,3 пайызға (42 639-дан 30 593-ке) байқалады, оның ішінде мобильді телефон ұрлықтары -30,9 пайызға (10 530-нан 7273-ке), пәтер ұрлықтары -33,5 пайызға (3566-дан 2373-ке), көлік құралдарын ұрлау -42,2 пайызға (258-ден 149-ға) азайды.
Сондай-ақ, мал ұрлығының саны -30,9 пайызға (1520-дан 1051-ге) азайды.
Еске сала кетейік, бұған дейін Сенат депутаты Нурия Ниязова кәмелетке толмағандардың жыныстық қол сұғушылыққа қарсы қылмыстарының артқанын мәлімдеген болатын.