Қырғызстанда "Каракол" тау шаңғы базасында канат жолының тіреуі құлады, деп хабарлайды Tengrinews.kz тілшісі Kaktus.Media-ға сілтеме жасап. Адамдар көтергіште қалды.
1 ақпан күні "Каракол" тау шаңғы базасының аумағында, Каракол шатқалында, канат жолының тіреулерінің бірі құлады. ТЖМ баспасөз қызметінің хабарлауынша, осы сәтте бірнеше адам креселді көтергіштерде болды және төмен түсе алмады.
"Шаңғы базасының техникалық тобы қажетті шараларды қабылдап, адамдарды қауіпсіз орынға сәтті түсірді.
Сондай-ақ, қауіпсіздік шараларын бақылау және демалушылармен түсіндіру жұмыстарын жүргізу үшін Каракол қаласының Төтенше жағдайлар бөлімінен №15 жедел топ жіберілді," - деп хабарлады ТЖМ баспасөз қызметі.
Оқиға нәтижесінде зардап шеккендер жоқ екендігі хабарланып отыр.
