Қазақстан Ұлттық банкінің төраға орынбасары Берік Шолпанқұлов 255 мың теңгеден астам мобильді аударымдарға бақылау туралы Tengrinews.kz тілшісіне сұраққа жауап берді.
Оның айтуынша, қазіргі уақытта бұл мәселе белсенді талқылануда. Атап айтқанда, салық органдарының сіздерге сұрақ қоюы мүмкін ай сайынғы соманы анықтау мәселесі де бар.
"Қазіргі уақытта біз Мемлекеттік кірістер комитетімен және банктік қауымдастықпен белсенді жұмыс істеп жатырмыз. (...) Білесіздер, өткен жылғы талаптарға сәйкес, біз 100-ден астам әртүрлі тұлғалардан аударым алған жағдайда ИИН ұсынамыз. Енді олар шекті мәнді көруге қызығушылық танытуда, және осы шектің айналасында қызу талқылаулар жүргізілуде. Деректер базасын көшірумен айналыспай, белсенді және тіркелмеген кәсіпкерлерді анықтау мәселесі де қарастырылуда", - деді Шолпанқұлов Сенаттағы брифингте.
Ұлттық банк төраға орынбасары, шешім тек банктік қауымдастықтың қолдауымен қабылданатынын атап өтті.
"Мемлекеттік кірістер комитетінен ұсыныс шықты, біз оны талқыладық, қазір банктік қауымдастық техникалық іске асыруды қарап жатыр. Егер олар растаса, онда бұл жүзеге асады. Егер растамаса - іздеу жалғасады", - деп қосып өтті Шолпанқұлов.
Естеріңізге сала кетейік, бұған дейін Мемлекеттік кірістер комитеті мобильді аударымдарға 3 ең төменгі жалақы, яғни 255 мың теңге көлемінде шектеу енгізуді ұсынды.
