Қаржылық алаяқтыққа қарсы күрес мақсатында 2023 жылдан бастап Қазақстанда несиеден ерікті бас тарту шарасы енгізілді. Әрбір азамат қарыз алуына тыйым сала алады. "Стоп-кредит" қызметі eGov сайты мен мобильді қосымшасы арқылы қолжетімді. Мұны қалай жасау керектігін Қаржылық нарықты реттеу және дамыту агенттігі (ҚНРДА) Tengrinews.kz-ке хабарлады.
Қызметті компьютер арқылы да, мобильді қосымша арқылы да пайдалануға болады. Компьютер арқылы қызметті пайдалануға үшін:
- egov.kz сайтында жеке кабинетке кіру;
- "Сервистер" бөлімінде "Банктік несиелерден, микрокредиттерден ерікті бас тарту" қызметін таңдап, онлайн тапсырыс беру;
- барлық міндетті өрістерді толтырып, электронды цифрлық қолтаңба (ЭЦП) арқылы өтінімді қол қою;
- жеке кабинетте "Қызметтер тарихы" бөлімінде сұрау нәтижесі туралы хабарламамен танысу.
Мобильді қосымша арқылы қызметті пайдалану үшін:
- eGov мобильді қосымшасын ашу;
- "Қызметтер" бөлімінде "Салықтар және қаржы" тармағын таңдау;
- "Банктік несиелерден, микрокредиттерден ерікті бас тарту" бөлімін таңдау;
- қажетті мәліметтерді толтырып, сұрауды электронды түрде қол қою.
"Осыдан кейін сіздің кредиттік тарихыңызда несие алудан бас тарту туралы белгі пайда болады. Кредиттік бюроларға ақпарат сұратқан кредиттік ұйымдар бұл шектеуді көріп, несиені беруден бас тарту туралы шешім қабылдайды. Егер несие сіздің келісіміңізсіз рәсімделсе, жеке тыйымға қарамастан, қарыз автоматты түрде жойылады", - деп хабарлады ҚНРДА.
Бұл қызметті кез келген уақытта оңай өшіріп тастауға болады. Сонымен қатар, шектеу ломбардтарға және клиенттердің кредиттік тарихын бағаламайтын басқа ұйымдарға қолданылмайды.
2024 жылғы 30 желтоқсандағы деректерге сәйкес, "Стоп-кредит" қызметін 920 мыңнан астам азамат пайдаланған, деп қосымша мәлімдеді ҚНРДА.
Бұрын біз Қазақстандағы бір қала тұрғындарының несиелерден бас тартқаны туралы жазған болатынбыз.