Тағы бір авиакомпания Ресейге әуе рейстерін тоқтатты, деп хабарлайды Tengri Travel.
Qanot Sharq авиакомпаниясы (Өзбекстан) Ресейге бағытталған рейстерді қоса алғанда, бірнеше рейстердің уақытша тоқтатылғаны туралы хабарлады. Ресми мәлімдеме тасымалдаушының Instagram парақшасында жарияланды.
"Құрметті жолаушылар! 20 қаңтардан 6 наурызға дейін A320 әуе кемелерімен орындалатын рейстердің тоқтатылғаны туралы хабарлаймыз, бұл өндірістік қажеттіліктерге байланысты," – делінген компанияның хабарламасында.
Тоқтатылған рейстерге Ташкент, Самарқанд, Ферғана, Бұқара мен Мәскеу (Домодедово әуежайы) арасындағы танымал бағыттар, сондай-ақ Санкт-Петербург пен Нижний Новгородқа рейстер кіреді. Барлығы қаңтар, ақпан және наурыздың басын қамтитын ондаған рейс тоқтатылды.
Тоқтатылған рейстердің кейбірі:
- HH701/702: Ташкент – Мәскеу – Ташкент.
- HH703/704: Ферғана – Мәскеу – Ферғана.
- HH709/710: Бұқара – Мәскеу – Бұқара.
- HH741/742: Самарқанд – Санкт-Петербург – Самарқанд.
- HH743/744: Нижний Новгород – Санкт-Петербург – Нижний Новгород.
Рейстердің толық тізімі авиакомпанияның ресми бетінде жарияланған.
Бұл жарияламаны Instagram-да қараңызQanot Sharq Airlines (@qanotsharq) жарияламасы
Компания жолаушылардан келтірілген қолайсыздықтар үшін кешірім сұрады және билет қайтару немесе айырбастау туралы ақпарат алу үшін қолдау қызметіне хабарласуды ұсынды.
Еске сала кетейік, "Түрікмен әуе жолдары" авиакомпаниясы Мәскеуге рейстерді бір айға тоқтатты.
Бұған дейін Flydubai авиакомпаниясы Минералды Сулар мен Сочи қалаларынан Дубайға рейстерді уақытша тоқтатты.
Сонымен қатар, Минералды Суларға ұшуын тоқтатқан Azerbaijan Airlines авиакомпаниясы Ресейдің 10 қаласына рейс жасамайды. Толығырақ – материалда.
Қазақстандық Qazaq Air авиакомпаниясы да Ресейге бағытталған рейстердің бір бөлігін тоқтатты. Тасымалдаушы Астана – Екатеринбург маршруты бойынша рейстерді уақытша тоқтататынын мәлімдеді. Толығырақ – сілтеме бойынша.
