2025 жылдың 20 сәуірінен бастап Air Astana авиакомпаниясы Алматы – Мумбай бағытында Үндістанға рейстерді іске қосады, деп хабарлайды Kapital.kz бизнес ақпарат орталығының тілшісі көлік министрлігінің баспасөз қызметіне сілтеме жасап.
Рейстер аптасына үш рет Airbus типті әуе кемелерімен жүзеге асырылады.
«Екі ел арасындағы жолаушылар рейстерінің саны аптасына 21-ге дейін артады, үш авиакомпанияның төрт авиамаршруты бойынша. Қазіргі таңда Алматы – Дели бағытында Air Astana мен IndiGo аптасына жеті рейс, Алматы – Гоа бағыты бойынша SCAT аптасына екі рейс, ал Астана – Гоа бағыты бойынша Fly Arystan аптасына екі рейс орындайды», - деп атап өтті министрлік.
Бұған дейін Air Astana Қытайға жаңа Гуанчжоу бағыты бойынша рейстерді 2025 жылдың 30 наурызынан бастайтыны туралы хабарланды. Рейстер аптасына үш рет — сейсенбі, бейсенбі және жексенбі күндері Airbus A321LR комфортабельді ұшағымен жүзеге асырылады.
Қазіргі уақытта Air Astana Алматы мен Астанадан Пекинге аптасына жеті рейс, Алматыдан Урумчиға аптасына төрт рейс орындайды. Қазақстан азаматтары Қытайда 30 күнге дейін визасыз бола алады.
Көктем-жаз навигациясы кезеңінде Air Astana Фукуок бағытындағы рейстерді Нячанг (Вьетнам) қаласына жаңа маусымдық бағытпен ауыстырады.