Көктем-жаз навигациясы кезеңінде Air Astana Фукуокқа рейстерді Вьетнамның Нячанг қаласына жаңа маусымдық бағытпен алмастырады. Фукуокқа рейстер күз-қыс навигациясы кезеңінде жүзеге асырылады, деп хабарлайды Kapital.kz ақпараттық орталығының тілшісі әуе компаниясының баспасөз қызметіне сілтеме жасап.
Алматыдан Нячангқа рейстер 30 наурыздан бастап сейсенбі, сәрсенбі, жұма және жексенбі күндері орындалады, ал Астанадан 31 наурыздан бастап дүйсенбі, бейсенбі және сенбі күндері жүзеге асырылады. Нячанга ең жақын әуежай Камрань қаласында орналасқан.
Рейстер Airbus A321 LR әуе кемелерімен келесі кесте бойынша жүзеге асырылады:
- рейс КС 193 Алматы-Камрань ұшуы 23:35-те, 09:20+1-де жетеді;
- рейс КС 194 Камрань-Алматы ұшуы 10:50-де, 16:45-те жетеді;
- рейс КС 157 Астана-Камрань ұшуы 23:00-де, 09:20+1-де жетеді;
- рейс КС 158 Камрань-Астана ұшуы 10:50-де, 17:50-де жетеді.
Алматыдан ұшу уақыты шамамен 8 сағат, Астанадан – 8 сағат 40 минут.
«Нячанг – Вьетнамның оңтүстігіндегі жағажайлық астана, жағажайлары, сүңгуірлігі және көркем аралдарымен танымал. Қала алып таулармен және Оңтүстік Қытай теңізінің көркем шығанағымен қоршалған, ол әлемдегі ең әдемі шығанақтар тізімінде 29-орында. Ең танымал ежелгі ескерткіштер - По Нагар Чам мұнаралары және Лонг Шон пагодасы. Заманауи ескерткіштер қатарында Хон Че аралындағы Vinpearl Land ойын-сауық паркі, сондай-ақ Вьетнамның Ұлттық океанографиялық мұражайы мен аквариумы бар. Демалыс үшін ең жақсы уақыт – ақпаннан қыркүйекке дейін», - деп атап өтті компанияда.
Қазақстан азаматтары Вьетнамда 30 күнге дейін виза алмай жүре алады.