Осы туралы 24.kg басылымына Ыстықкөл облысының Полиция департаментінің баспасөз қызметі хабарлады.
Полицияға оқиға туралы хабарлама түскеннен кейін, оқиға орнына дереу тергеу-оперативтік топ жіберілді.
Мамандар 43 жастағы Қазақстан азаматы сноубордпен түскенде, досымен соқтығысып қалғанын анықтады. Алынған жарақаттардан ер адам оқиға орнында қайтыс болды.
Сондай-ақ, қайтыс болған адамның тәжірибелі сноубордшы екені атап өтілді.
2024 жылдың жазында Zakon.kz Ыстықкөлде аудандық ауруханада Қазақстан азаматы катердің соққысынан қайтыс болғанын хабарлаған. Трагедия Кара-Ой ауылындағы демалыс орталықтарының бірінің жағажайында болған.