"Ордабасы" колумбиялық футболшыға қатысты шешімін жариялады.

Шымкент қаласының «Ордабасы» футбол клубы Кристиано Товардың кететінін хабарлады, деп жазады Vesti.kz.

Товар клубтан келісімшартының аяқталуына байланысты кетіп жатыр. Колумбияның қорғаушысы осы маусымда шымкенттік команда үшін барлық турнирлерде 9 матч өткізіп, бір нәтижелі пас берді.

«Ордабасы» клубына ауысар алдында Товар Молдованың «Шериф» клубында, сондай-ақ Колумбияның «Депортиво Пасто» және «Депортес Толима» командаларында ойнады. Ол Колумбияның 17 жасқа дейінгі құрамасында ойнау тәжірибесіне ие.

Бұған дейін шымкенттік клуб Айбол Абикен, Артем Беседин, Игорь Пластун, Ловро Цвек, Реджиналдо, Сергей Игнатович және Максим Фединнің кеткені туралы хабарлаған болатын.

Естеріңізге сала кетейік, Магомед Адиев Қазақстан құрамасы туралы мәлімдеме жасаған болатын.