Қазақстан 2025 және 2026 жылдары ОПЕК+ келісімінің міндеттемелерін орындауға дайын. Бұл туралы ҚР Энергетика министрлігінің баспасөз қызметі ОПЕК+ отырысының қорытындысы бойынша хабарлады, деп хабарлайды Kapital.kz бизнес ақпарат орталығы.
«Кеше өткен ОПЕК+ Бірлескен министрлік мониторингтік комитетінің 58-ші отырысының аясында Қазақстан ОПЕК+ келісіміне адалдығын растайды. Қазақстан 2025 және 2026 жылдары өз міндеттемелерін орындау және 2024 жылдағы артық өндіруді өтемелеу үшін қажетті шараларды қабылдайды», - деп мәлімдеді министрліктен.
Биыл Теңіз кен орнын кеңейту жобасының іске қосылуына байланысты өндірістің артуына қарамастан, Қазақстан ОПЕК+ келісімі шеңберіндегі міндеттемелерді сақтау маңыздылығын растады және халықаралық құқық аясында серіктестерімен келіссөздер жүргізетін болады, деп қосты сала министрлігі.
Бұған дейін Қазақстанның бұзушылықтарды өтемелеу үшін жаңа кесте ұсынатыны туралы хабарланған болатын.
ОПЕК+ министрлік мониторингтік комитеті отырыста Қазақстанның келісімдерге адалдығының жақсарғанын, оның ішінде өндірісті қосымша қысқарту (елдер квотаға қосымша 8 мемлекетпен бірге қысқартады) туралы хабарлады.
ОПЕК+ альянсының комитеті қазіргі мұнай өндіру саясатын өзгертпеуге шешім қабылдады.