Сот 2022 жылдың қаңтар оқиғалары бойынша Қайрат Құдайбергенге үкім шығарды, деп хабарлайды Tengrinews.kz тілшісі.
Сот Құдайбергенді 8 жылға бас бостандығынан айыру жазасына кесті. Сот оны жаппай тәртіпсіздіктерді ұйымдастыру мен қатысуда кінәлі деп таныды. Оған сондай-ақ публицистикалық қызметпен айналысуға тыйым салынды.
VII шақырылған қала мәслихатының бұрынғы депутаты Қайрат Құдайберген 2022 жылдың 22 сәуірінде қаңтар оқиғалары бойынша ұсталды. Сол күннен бері ол тергеу абақтысында болды.
Құдайберген жаппай тәртіпсіздіктерді ұйымдастыру мен қатысуда күдіктенді. Алдын ала тергеу барысында ол Арман Джумагельдиевпен (криминалдық авторитет Дикий Арман - ескерту) бірге Алматыда "Қазақстан" қонақ үйінде адамдарды жинауды ұйымдастырғаны анықталды. Тергеудің нұсқасы бойынша, Құдайберген Джумагельдиевтің айналасына бірігуге, оны қолдауға және билікке бірлескен талаптар қоюға шақырған, сондай-ақ адамдарды 10 адамнан құралған топтарға бөліп, олардың топтарының ерекшелігі ретінде қолдарына ақ белбеу тағуды тапсырған.