Қазақстандық публицист және продюсер Дана Орманбаеваны әлеуметтік желілерде ұлтаралық араздықты қоздыру ісі бойынша халықаралық іздеуге жариялады. Бұл туралы Алматы полиция департаменті хабарлады, Tengrinews.kz жеткізді.
Ведомство мәлімдегендей, сотпен оған қатысты "қамауға алу" түріндегі шара қабылданды.
"Сол уақытта күдікті халықаралық іздеуге жарияланды", – деп хабарлады Алматы қаласы ДП.
Дана Орманбаева әлеуметтік желілерінде халықаралық іздеуге жарияланғаны туралы жаңалыққа жауап ретінде пост жариялады.
Естеріңізге сала кетейік, 2024 жылдың сәуірінде Алматы тұрғынының әлеуметтік желілерде қорқыту және балағаттау белгілерімен ұлтаралық араздықты қоздыру туралы шағымы негізінде полиция Дана Орманбаеваның үстінен қылмыстық іс қозғады.