Петропавловск.news ақпараттарына сәйкес, Солтүстік Қазақстан облысының Айыртау аудандық соты К. туралы 21 жасқа толмаған адамға алкоголь өнімдерін сату бойынша әкімшілік құқық бұзушылық ісін қарастырды (ҚР ӘҚБтК 200-бабы 1-бөлігі).
"К. жеке кәсіпкер ретінде алкоголь өнімдерін сақтау және бөлшек саудада сату лицензиясына ие болып, 21 жасқа толмаған сатып алушыға алкогольді сыра сатқан. К. кінәсін мойындап, дүкен сатушысының сатып алушыдан жасын растайтын құжаттарды талап етпей, сатып алушының сыртқы келбетіне сүйенгенін түсіндірді", – делінген облыстық соттың баспасөз қызметі хабарламасында.
Кәсіпкер кінәлі деп танылып, 157 280 теңге көлемінде айыппұл салынды. Алкоголь өнімдерін сақтау және бөлшек саудада сату лицензиясының әрекеті 1 айға тоқтатылды.
Қазақстан Республикасының 1999 жылғы 16 шілдедегі "Этил алкогольі мен алкоголь өнімдерінің өндірісі мен айналымын мемлекеттік реттеу туралы" Заңының 9-бабы 4-тармағы 1-тармақшасына сәйкес, 21 жасқа толмаған тұлғаларға алкоголь өнімдерін бөлшек саудада сату тыйым салынады.
Бұған дейін Қазақстанның үш облысында нарколабораториялар табылғаны хабарланған болатын.