Али Алиев Қазақстан ұлттық футбол құрамасының басшысы болып тағайындалды.
Бұл туралы Caravan.kz Қазақстан Футбол Федерациясына сілтеме жасап жазды.
Али Ханалиевич 1980 жылдың 27 қазанында Алматы қаласында дүниеге келген. Футболшы ретінде «ЦСКА-Кайрат», «Кайрат», «Иртыш», «Тобол», «Восток», «Ордабасы» және «Кызылжар» секілді клубтарда ойнаған. Сонымен қатар, Түркияның «Ақчаабат Себатспор», «Кайсери Эрджиесспор», «Карталспор» және «Диярбакырспор» командаларында да тәжірибесі бар.
1999 жылы Қазақстанның жастар құрамасында Нигерияда өткен жастар арасындағы әлем чемпионатында өнер көрсетті. Ұлттық құрамамен 2002 жылы Эстонияға қарсы жолдастық матчта дебют жасады.
Алиев жаттықтырушылық карьерасын 2014 жылы «Ордабасы» командасында ойыншы-жаттықтырушы ретінде бастады. 2018 жылы ойын карьерасын аяқтағаннан кейін Петропавлдың «Кызылжар» командасының басшысы болды және команданы Премьер-лигаға шығарды.
2021 жылы Алиев Қарағандының «Шахтер» командасының бас жаттықтырушысы болды, кейін «Астана» футбол клубының жастар құрамасын басқарды.
2022 жылы «Женис» командасын басқарды, одан кейін қайтадан «Кызылжар» командасының басшысы болды. Оның жетекшілігімен петропавлдық клуб UEFA Конференция Лигасының квалификациясының үшінші кезеңіне жетіп, хорваттың «Осиек» командасымен жеңіске жетті.
Айта кетейік, бас жаттықтырушының көмекшілері Қазақстан ұлттық құрамасының бұрынғы ойыншылары Нурбол Жумаскалиев пен Елдос Ахметов болады.
Нурбол Жардемович Премьер-лигада өткізілген матчтар саны бойынша рекордсмен және 526 матчта 167 гол соғып, үздік бомбардир атанды.
2001-2014 жылдар аралығында Қазақстан ұлттық құрамасының намысын қорғап, 58 матч өткізді.
2021-2023 жылдары Қазақстан жастар құрамасының аға жаттықтырушысының көмекшісі болды.
Елдос Ахметов 2012-2022 жылдар арасында Қазақстан ұлттық құрамасында да өнер көрсетті. 2024 жылы жастар құрамасының аға жаттықтырушысының көмекшісі болып, сол жылдың қазанында ұлттық команда жаттықтырушылар құрамына кірді.
Естеріңізге сала кетейік, Қазақстан футбол чемпионаттары жаңаша форматта өтеді.