Қазақстанда кәсіби суретшілерге арналған конкурсқа өтінімдер қабылдау жалғасуда.
Қазақстан Республикасы Мәдениет және ақпарат министрлігі кәсіби суретшілер арасында «Ұлттық құндылықтар: салттың сырлы бейнесі» республикалық байқауын жариялады. Бұл іс-шараның мақсаты – Қазақстанның ұлттық құндылықтары мен мәдени нысандарын бейнелеу өнері арқылы насихаттау, отандық шеберлерді қолдау және патриотизмді нығайту.
Қатысушыларға пейзаж, натюрморт немесе сюжеттік картина жанрында дәстүрлі мәдени құндылықтарға арналған шығармалар жасау ұсынылады. Бұл суретшілердің өз шеберліктерін көрсетуге және ұлттық мәдениетті дамытуға қосқан үлестерін паш ету үшін тамаша мүмкіндік.
Байқауға қатысу үшін өтінімдерді қабылдау 2025 жылдың 24 ақпанына дейін жалғасады. Қатысу шарттары мен ақпаратты нақтылау үшін мына телефондарға хабарласуға болады:
8 (7172) 919 035, 919 036 (вн. 366, 643).
Байқаудың толық ережелері мына сілтемеде қолжетімді: Байқау және ережелері туралы толығырақ.
Таланттарыңызды көрсетіп, Қазақстанның ұлттық құндылықтарын насихаттауға үлес қосыңыз!
