«KazakhAnimation» жастарға үш жаңа жобаны ұсынады.
«Мемлекеттік ұлттық киноны қолдау орталығының» қолдауымен «Үміт әрдайым жанымызда» қысқаметражды анимациялық фильмі мен «Алтын адам» толықметражды анимациялық фильмі шығарылады, деп хабарлайды ИА El.kz мәдениет және ақпарат министрлігінің баспасөз қызметіне сілтеме жасап.
2024 жылы қазақ анимациясының классикалық туындылары қазіргі форматта жаңартылды: «Ақсақ құлан», «Ақыл мен байлық», «Қарлығаштың құйрығы неге айыр».
Сонымен қатар, Голливуд студиялары қазақ тілінде дубляждалған «Ойжұмбақ 2», «Гадкий я 4», «Моана 2», «Муфаса: Арыстан патша» және «Дикий робот» фильмдерін кең прокатқа шығарды.
«Кинопоиск» платформасы қазақ тіліне аударып, онлайн көрсетілімге «Гарфилд» анимациялық фильмін ұсынды, ал «Bee TV» «Да Винчидің сиқырлы саяхатын» шығарды.
Биыл «Қазақанимация» аясында «Жібек», «Команда А. Миссия Айка» фильмдерін қоса алғанда, он жаңа анимациялық жобаның өндірісін аяқтау жоспарлануда. Сондай-ақ, қазақ киносының алтын қорынан «Ақ бота» фильмі қалпына келтіріліп, жаңартылатын болады.
Мемлекеттік қолдауға ие болатын жаңа анимациялық жобалар ұлттық құндылықтар, ата-анаға құрмет, қазақ ертегілері, достық және спорт тақырыптарына арналады.
Қазақ анимациясын одан әрі дамыту мақсатында биыл арнайы стратегия әзірлеу басталады, сондай-ақ оның жетілдірілуі бойынша жұмыстар жалғасын табады.
