2018 жылдан бері тоқтап тұрған астық терминалы алғашқы өнімін шығарды. Терминалға 10 вагон, яғни 700 тонна бидай жеткізілді. 75%-дан астам астықтан ұн, 25%-дан - кебек өндіріледі. Бұл туралы Маңғыстау облысы әкімдігінің хабарламасында айтылған.
«Зауыттың жұмысын тоқтатпайтынына үміттенеміз, және Қазақстанда өндірілген «Бейнеу ұны» бренді әлемге танымал болады», - деді Бейнеу ауданының әкімі Рахымжан Шалбаев.
Астық терминалы ТОО «Евразия Транс Логистик» және СПК «Каспий» тарапынан іске қосылды.
Бейнеу астық терминалы - Маңғыстау облысында орналасқан стратегиялық маңызды нысан. Оның жалпы ауданы 26 гектарды құрайды және ол өз қозғалыс құрамымен және Қазақстан-Түрікменстан шекарасына тікелей қолжетімділікті қамтамасыз ететін 8 шақырымдық теміржолымен перспективалы логистикалық хаб ретінде есептеледі.
Терминалдың қуаты бір уақытта 100 мың тонна астық сақтау және тәулігіне 320 тонна ұн, 80 тонна кебек өндіруге мүмкіндік береді. Модернизациядан кейін бұл көрсеткіштер сәйкесінше 400 тонна ұн және 240 тонна құрама жемге дейін арттырылады.