Биылғы жылдың 10 айында сыртқы сауда айналымы 116,9 миллиард долларды құрады, деп хабарлайды Primeminister.kz.
Шолуда хабарланғандай, Қазақстан тауарларының экспорты 5,1%-ға артты, ал ақшалай эквивалентте көрсеткіш 68,5 миллиард долларды құрады. Сонымен қатар, өңделген тауарлардың экспорты 10,2%-ға өсіп, 23,3 миллиард долларға жетті. Сыртқы шикізаттық емес экспорттың тұрақты өсуі көп жағдайда Қазақстан тауарларының Қытай мен Түркияға жеткізілім көлемінің арттыруымен, сондай-ақ Еуропа нарықтарында қатысудың кеңеюімен байланысты.
«Мәселен, Қытайға экспорт көлемі 5,3%-ға артып, 12,3 миллиард долларды құрады. Бұл мемлекет пен бизнестің белсенді бірлескен жұмысының нәтижесі. Отандық өнімнің Қытай тұтынушылары арасында танымалдылығын арттыру мақсатында Қазақстан компанияларының CIFTIS, CIIE, Digital Expo және басқа да ірі және танымал көрмелерге қатысуы қамтамасыз етілді. Тауарларды электрондық алаңдарда ұлттық павильондар арқылы, jd.com, Doiyin, Alibaba сайттарында ілгерілету жұмыстары жанданды, мұнда стримингтер де ұйымдастырылды», - делінген қорытынды материалда.
Үкіметтің баспасөз қызметінде атап өткендей, Еуропа елдеріне, оның ішінде Ирландия, Швейцария және Францияға экспорттық ағындардың артуы олардың әртараптандырылуын көрсетеді. Сонымен қатар, көршілес елдер, мысалы, Қырғызстан мен Тәжікстанға шикізаттық емес экспорттың өсуі Орталық Азия аймағының Қазақстан үшін саудадағы маңыздылығын растайды», - деп атап өтті шолуда.
Биылғы жылы қызмет көрсету экспорты да 10,5%-ға өсті және 8,4 миллиард доллар деңгейінде бекітілді. Бұл сектордағы негізгі драйверлер - көлік, IT, қаржы және басқа да бизнес қызметтері.
Сонымен қатар, есепті кезеңде импорт 3,3%-ға қысқарды. Экспорт көлемінің артуы мен импорттың төмендеуі нәтижесінде экономиканың оң сауда балансы 33,4%-ға өсті. Бұл көрсеткіш 20,1 миллиард доллар деңгейінде қалыптасты.
Биылғы жылы инфляция төмендеп, қарашада жылдық мәнде 8,4%-ды құрады. 2023 жылдың сәйкес кезеңінде инфляция 10,3% деңгейінде болды.