Қазақстан Сенаты Еуропа қайта құру және даму банкінің (ЕҚДБ) Сахарадан оңтүстікке жатқан Африка елдерінде және Иракта өз операцияларын кеңейтуіне мүмкіндік беретін заң жобасын мақұлдады, деп хабарлайды Kapital.kz ақпараттық орталығының тілшісі.
«Бұл кеңейту біздің ағымдағы жобаларды қолдау мүмкіндіктерімізді төмендетпейді, банктың кредиттік рейтингіне қауіп төндірмейді және қосымша капитал құюды талап етпейді», — деді сенатор Сергей Карплюк пленарлық отырыста.
Депутат Қазақстан үшін бұл кеңейтудің жаңа мүмкіндіктер ашатынын атап өтті.
«Біз миллиард халқы бар елдерде жобаларға инвестиция салып, байланыстар орната аламыз. ЕҚДБ-ға Қазақстанды қоса алғанда, 72 ел кіреді», - деп атап өтті ол.
Сенат сондай-ақ, банктың операцияларын жаңа елдерге кезең-кезеңмен кеңейтуге мүмкіндік беретін «Қазақстан Республикасы мен Еуропа қайта құру және даму банкі арасындағы келісімнің 1-бабына өзгерістерді ратификациялау туралы» заңды мақұлдады.