Халықаралық рейтинг агенттігі Fitch Ratings Алматы әлеуметтік-кәсіпкерлік корпорациясының (ӘКК «Алматы») ұзақ мерзімді эмитенттің дефолт рейтингін (РДЭ) шетелдік және ұлттық валюталарда «BBB-» деңгейінде «Тұрақты» болжамымен растады.
«BBB-» рейтингі, инвестициялық санатқа жататын, компанияның кредиттік қабілетінің жеткілікті деңгейін және кредиттік тәуекелдер бойынша төмен күтілімдерді көрсетеді, деп хабарлайды қалалық әкімдік.
«Рейтингтің расталуы Fitch-тің Алматы ӘКК-нің қала тарапынан «өте жоғары» шұғыл қолдауға ие болу ықтималдығы туралы пікірін білдіреді, корпорацияның мегаполистің әлеуметтік-экономикалық дамындағы маңызды рөлін ескере отырып. Орта мерзімді перспективада рейтинг агенттігі бұл қатынастарда өзгерістерді күтпейді», - деді әкімдіктен.
Сонымен қатар, ӘКК «Алматы» Қазақстанның халықаралық кредиттік рейтингі бар жалғыз әлеуметтік-кәсіпкерлік корпорациясы болып қала беретіні атап өтілді.
ӘКК «Алматы» қала үшін әлеуметтік маңызы бар және инвестициялық жобаларды, соның ішінде жергілікті микробизнесті, шағын және орта бизнесті қаржыландыруды, ескірген тұрғын үйді жаңғыртуды, индустриалды аймақты дамытуды, сондай-ақ әлеуметтік маңызы бар азық-түлік тауарларына бағаны тұрақтандыруды жүзеге асырады.
2024 жылдың желтоқсанында халықаралық рейтинг агенттігі S&P Global ӘКК «Алматы»-ның ESG рейтингін көтерді.
Айта кетейік, «ӘКК «Алматы» АҚ-ның еншілес ұйымы - «Almaty Finance» ЖШС «Тигрохауд» жәрмеңкесінің реконструкциясына 500 млн теңге бөлді.
Бұған дейін Алматы экономикасына 2025 жылы 2,2 трлн теңге тарту жоспарланып отырғаны хабарланған болатын.