Еуропа қайта құру және даму банкі (ЕБРР) Қазақстанның 2025 жылға арналған ЖІӨ өсімінің болжамын 5,2%-ға дейін төмендетті, 2026 жылға арналған болжам 4,5%-ды құрайды, деп хабарлайды банктің жаңартылған аймақтық экономикалық шолуы (Regional Economic Prospects), деп жазады Интерфакс-Казахстан.
Өткен жылдың қыркүйек айында ЕБРР Қазақстан экономикасының 2025 жылға арналған өсімін 5,5% деңгейінде болжаған болатын.
«2025 жылы ЖІӨ өсімі 5,2%-ға дейін жеделдейді, оған Теңіз мұнай кен орнын кеңейту жоспарлары ықпал етеді, ал 2026 жылы өсім 4,5%-ға баяулайды», – делінген ЕБРР шолысында.
Қазақстан премьер-министрі Олжас Бектеновтың хабарлауынша, 2024 жылы Қазақстанның ЖІӨ өсімі 4,8% болды. Үкіметтің болжамдарына сәйкес, 2025 жылы Қазақстанның ЖІӨ өсімі 5,6% болады, ал 5 жылдағы орташа жылдық ЖІӨ өсімі 5,4%-ды құрайды.
Дүниежүзілік банк (ДБ) Қазақстанның 2025 жылға арналған ЖІӨ өсімін 4,7%, 2026 жылға - 3,5% деп болжап отыр.
Естеріңізге сала кетейік, НДС-ны 12%-дан 16%-ға көтеру және салықтық тіркеу шегін 15 миллион теңгеге дейін төмендету Қазақстанның ЖІӨ өсімін 42 базистік пунктке баяулататынын вице-министр Азамат Амрин бұрын хабарлаған болатын.